Google ADS

Spasovski: Janë arrestuar 17 persona në lidhje me zjarret

21:18 | 12 Gusht 2021
A. B.

Ministri për Punë të Brendshme Oliver Spasovski, ka njoftuar se janë arrestuar 17 persona në lidhje me zjarret që e kapluan vendin para disa ditëve.

Nëpërmjet një postimi në Facebook, ai shkruan se një pjesë e zjarreve janë shkaktuar nga pakujdesia e njerëzve dhe për këtë thotë se duhet të ketë përgjegjësi më serioze.

“Deri tani MPB ka arrestuar 17 persona, në polici janë ftuar 16, kemi dorëzuar dy kallëzime penale dhe dy kundërvajtëse. Ende punohet në një pjesë të rasteve dhe pasi të përfundojmë do të ketë kallëzime adekuate”, ka shkruar Spasovski.

Ai shton se procedura udhëhiqet në koordinim me Prokurorinë Publike dhe prej atje i marrin udhëzimet për kualifikimin e veprës penale.

Shpërndaje në rrjete sociale

Lajmet më të lexuara

Të ngjashme

Foto lajm